'बाहुबली 2' चित्रपटाने पहिल्याच दिवसापासून रेकॉर्ड करण्यास सुरुवात केली आहे. भारतात 6500 आणि जगभरातील किमान 9000 स्किन्सवर रिलीज झालेल्या 'बाहुबली 2' पहिल्याच दिवशी 100 कोटींचा आकडा पार करेल अशी शक्यता व्यक्त केली जात होती.
बॉक्स ऑफिस रिपोर्ट आणि मिळालेल्या माहितीनुसार बाहुबलीने अत्यंत सहजपणे 100 कोटींचा आकडा पार केला आहे. पहिल्याच दिवशी 100 कोटींची तुफानी कमाई करणारा बाहुबली भारतीय चित्रपटसृष्टीतील पहिला चित्रपट ठरला आहे. 'बाहुबली 2'च्या पहिल्या दिवसाच्या कमाईचा आकडा 115 ते 120 करोडपर्यंत असल्याची माहिती आहे. चित्रपटाने केलेल्या रेकॉर्डब्रेक कमाईमध्ये इतकं आश्चर्य वाटण्यासारखं काही नसून हे अपेक्षितच होतं असं समीक्षक सांगत आहेत. विशेष म्हणजे तीन दिवसांत चित्रपट 300 कोटींचा आकडा पार करेल असं सांगण्यात येत आहे.
