कॅप्टन कूल माही चित्रपट निर्माता, पहिल्या तमिळ चित्रपटाचे पोस्टर रिलीज

भारताचा माजी कर्णधार महेंद्रसिंग धोनी त्याच्या प्रोडक्शन हाऊस धोनी एंटरटेनमेंटच्या बॅनरखाली चित्रपट निर्मितीमध्ये उतरला आहे. धोनीच्या प्रोडक्शन व्हेंचरमध्ये बनलेला पहिला तमिळ चित्रपट 'एलएसजी: लेट्स गेट मॅरीड' तयार करण्यात आला आहे. तसेच, त्याचे मोशन पोस्टर रिलीज करताना, चित्रपटाचे नाव आणि कलाकार देखील समोर आले आहेत.

विशेष म्हणजे धोनीने मनोरंजन क्षेत्रात पदार्पण करण्यासाठी तमिळ सिनेमाची निवड केली आहे. त्याच्या कंपनीने तयार केलेल्या पहिल्या तमिळ चित्रपटाचे पोस्टर हे अॅनिमेटेड पोस्टर आहे. चित्रपटाचे दिग्दर्शन रमेश थमिलमनी यांनी केले आहे. रमेशचा हा डेब्यू चित्रपट आहे. त्याची पत्नी साक्षी धोनी या प्रॉडक्शन हाऊसचे काम पाहत आहे.

We're super excited to share, Dhoni Entertainment's first production titled #LGM - #LetsGetMarried!

Title look motion poster out now! @msdhoni @SaakshiSRawat @iamharishkalyan @i_ivana @HasijaVikas @Ramesharchi @o_viswajith @PradeepERagav pic.twitter.com/uG43T0dIfl

— Dhoni Entertainment Pvt Ltd (@DhoniLtd) January 29, 2023

एमएस धोनीच्या प्रोडक्शन अंतर्गत तयार होत असलेल्या या चित्रपटात तमिळ चित्रपटसृष्टीतील प्रसिद्ध कलाकार दिसणार आहेत. धोनीच्या चित्रपटात हरीश कल्याण आणि इवाना मुख्य भूमिकेत दिसणार आहेत. तर नादिया आणि योगी बाबू मुख्य भूमिकेत दिसणार आहेत. एमएस धोनीच्या डेब्यू चित्रपटाचे पोस्टर समोर येताच चाहते खूप खुश झाले असून धोनीचे अभिनंदन करत आहेत.

 महेंद्र सिंह धोनीने 25 जानेवारी 2019 रोजी धोनी एंटरटेनमेंट कंपनी सुरू केली. त्याच्या प्रोडक्शन हाऊसने आत्तापर्यंत तीन लघुपट तयार केले आहेत, ज्यात Roar of the Loin, Bilge to Glory आणि The Hidden Hindu यांचा समावेश आहे.

Edited By- Priya Dixit