हाऊसफुल-5 अभिनेता आणि बॉलिवूड हिरो डिनो मारिओ यांच्या घरावर ईडीने छापा टाकला आहे. शुक्रवारी ईडीचे पथक वांद्रे येथील दिनू यांच्या घरी पोहोचले आणि चौकशी सुरू आहे. डिनो मारिओ हे एक ज्येष्ठ बॉलिवूड अभिनेता आणि सुपरहिट ग्लोबल मॉडेल आहेत.
मिळालेल्या माहितीनुसार, मिठी नदीतील 65 कोटी रुपयांच्या कथित गाळ काढण्याच्या घोटाळ्याप्रकरणी अंमलबजावणी संचालनालयाने (ईडी) शुक्रवारी मुंबई आणि केरळमधील 15 हून अधिक ठिकाणी छापे टाकले.
या छाप्यांमध्ये बॉलिवूड अभिनेता डिनो मारिओ, बीएमसीचे सहाय्यक अभियंता प्रशांत रामुगडे आणि अनेक कंत्राटदारांच्या घरांचा समावेश आहे. शिवसेना (यूबीटी) नेते आदित्य ठाकरे यांचे जवळचे सहकारी अभिनेता डिनो मारिओ यांची यापूर्वी ईओडब्ल्यूने दोनदा चौकशी केली होती. ईडी आता अवैध पैशाचा प्रवाह शोधण्यासाठी छाप्यांमध्ये जप्त केलेल्या आर्थिक कागदपत्रांचा आणि इतर साहित्याचा आढावा घेत आहे.
मुंबई पोलिसांच्या आर्थिक गुन्हे शाखेने (EOW) दाखल केलेल्या गुन्ह्यानंतर मनी लाँड्रिंग प्रतिबंधक कायद्याअंतर्गत (PMLA) मनी लाँड्रिंगच्या चौकशीचा भाग म्हणून हे शोध घेण्यात आले आहेत. 20007ते 2021 दरम्यान कधीही न झालेल्या नदी स्वच्छतेच्या कामासाठी फसवणूकीच्या देयकांमध्ये सहभागी असल्याच्या आरोपावरून EOW ने यापूर्वी BMC अधिकारी आणि कंत्राटदारांसह 13 जणांवर गुन्हा दाखल केला होता.
निवडक पुरवठादारांना फायदा व्हावा यासाठी विशेष ड्रेजिंग उपकरणे भाड्याने घेण्यासाठीच्या निविदांमध्ये फेरफार करण्यात आल्याचा ईडीला संशय आहे, ज्यामुळे बृहन्मुंबई महानगरपालिका (BMC) चे मोठे नुकसान झाले.
