Rakesh Bedi Scam आजकाल ऑनलाईन घोटाळे सर्रास झाले आहेत. सामान्य जनताच नाही तर मोठे स्टार्सही फसवणुकीचे बळी ठरत आहेत. नुकताच गदर 2 चा अभिनेता राकेश बेदी देखील त्याचा बळी ठरला आहे. राकेश बेदी यांची फोन घोटाळ्यात 75 हजार रुपयांची फसवणूक झाली आहे. त्यांनी पोलिसांत तक्रारही दाखल केली आहे.
लष्करी अधिकारी असल्याची बतावणी करून लुटले
30 डिसेंबर 2023 रोजी लोक वर्षातील शेवटचे क्षण घालवत होते, त्याचवेळी राकेश बेदींची हजारोंची फसवणूक झाली. लष्करी अधिकारी असल्याची बतावणी करून एका व्यक्तीने राकेश बेदी यांची फसवणूक केली. हा घोटाळा झाल्याचे लक्षात येईपर्यंत त्यांचे 75 हजार रुपयांचे नुकसान झाले होते. त्या व्यक्तीने अभिनेत्याचा पुण्यातील फ्लॅट खरेदी करण्यात रस दाखवला होता. 1 जानेवारी 2024 रोजी अभिनेत्याने ओशिवरा पोलिस स्टेशनमध्ये तक्रार दाखल केली होती.
राकेश बेदी यांनी लोकांना सतर्क केले
राकेश बेदी यांनी ETimes शी बोलताना या फसवणुकीची माहिती दिली आहे. अभिनेता म्हणाले, "मी मोठ्या नुकसानीतून वाचलो, पण मला अशा लोकांपासून सावध करायचे आहे जे लष्करी अधिकारी असल्याचे भासवून फसवणूक करतात. ते नेहमी रात्रीच फोन करतात. त्यामुळे जोपर्यंत तुम्हाला समजेल "ही फसवणूक आहे, तोपर्यंत उशीर झालेला असतो."
4 दशके चित्रपटसृष्टीत योगदान
69 वर्षीय राकेश बेदी गेल्या चार दशकांपासून चित्रपटसृष्टीशी जोडले गेले आहेत. त्यांनी टेलिव्हिजनपासून बॉलिवूडपर्यंत काम केले आहे. अभिनेता शेवटचा विकी कौशलचा चित्रपट जरा हटके जरा बचके आणि सनी देओल स्टारर गदर 2 मध्ये दिसले होते. 2022 मध्ये राकेशने वाह भाई वाह या टीव्ही शोमध्ये काम केले होते.
