Shah Rukh Khan: बॉलीवूडचा किंग खान शाहरुख खान लवकरच त्याच्या दमदार चित्रपटांसह मोठ्या पडद्यावर पुनरागमन करणार आहे. शाहरुख तब्बल 4 वर्षांनंतर मोठ्या पडद्यावर पुनरागमन करत आहे. पठाण आणि जवान यांसारख्या चित्रपटातून पुनरागमन करत आहे. किंग खानने आता चार वर्षांचा ब्रेक का घेतला याबद्दल खुलासा केला आहे. शाहरुख सध्या त्याच्या नवीन चित्रपटांमुळे खूप चर्चेत आहे. अलीकडेच हा अभिनेता रेड-सी इंटरनॅशनल फेस्टिव्हलमध्ये सहभागी होण्यासाठी पोहोचला होता. फेस्टिव्हलदरम्यान शाहरुखने एका संवादात सांगितले की, मुलगी सुहानामुळे तो ब्रेकवर होता.
चित्रपटांपासून ब्रेक होण्याचे कारण मुलगी सुहाना
शाहरुखने संभाषणात सांगितले की, सुहाना न्यूयॉर्कमध्ये अभ्यासासाठी गेली होती, मी 8 महिने माझ्या मुलीच्या कॉलची वाट पाहत होतो, ती मला कॉल करेल या विचाराने मी कोणताही चित्रपट साइन करत नव्हतो. मग एके दिवशी मी तिला कॉल केला आणि म्हणालो कि मी आता काम करू शकतो का? मुलीने उत्तर दिले - तू काम का करत नाहीस? मी म्हणालो - मला वाटले की जर तुला न्यूयॉर्कमध्ये एकटेपणा वाटत असेल तर तू मला कॉल करशील. शाहरुख खानने आपल्या मुलीची चिंता करत चार वर्षे काम केले नाही. त्याला वाटायचे की जेव्हाही सुहानाचे घराला मिस करेल तेव्हा तो लगेच तिच्याकडे जाईल.
उत्तम चित्रपटांसह पुनरागमन केले
मुलगी सुहानामुळे शाहरुखने चार वर्षांचा ब्रेक घेतला. त्याचवेळी शाहरुख खानने आणखी एका मुलाखतीत सांगितले होते की, त्याला आता पुढील 10 वर्षे अॅक्शन चित्रपट करायचे आहेत. त्याला मिशन इम्पॉसिबल सारख्या टॉप अॅक्शन चित्रपटात काम करायचे आहे. यामुळेच शाहरुख खान चार वर्षांच्या ब्रेकनंतर जवान आणि पठाण यांसारख्या चित्रपटातून पुनरागमन करत आहे.
Edited by : Smita Joshi
