Shahrukh Khan: शाहरुख खानला 22 मे रोजी डिहायड्रेशनमुळे अहमदाबादच्या केडी हॉस्पिटलमध्ये दाखल करण्यात आले होते, त्यानंतर चाहत्यांची चिंता वाढली होती. याची माहिती मिळताच पत्नी गौरी खान यांनीही तात्काळ हॉस्पिटल गाठले. अभिनेत्री जुही चावलानेही तिचा मित्र आणि KKR टीम पार्टनर शाहरुखची तंदुरुस्तीची विचारपूस केली. मात्र आता या अभिनेत्याला डिस्चार्ज देण्यात आला आहे.
नरेंद्र मोदी स्टेडियमवर कोलकाता नाइट रायडर्स (KKR) च्या इंडियन प्रीमियर लीग (IPL) सामन्याच्या संदर्भात शाहरुख मंगळवारी अहमदाबादमध्ये होता. अहमदाबाद (ग्रामीण) पोलीस अधीक्षक ओम प्रकाश जाट यांनी सांगितले की, अभिनेता शाहरुख खानला उष्माघातामुळे केडी रुग्णालयात दाखल करण्यात आले.
अधिकाऱ्यांनी दिलेल्या माहितीनुसार, रुग्णालयाभोवती सुरक्षा व्यवस्था कडक करण्यात आली आहे. अहमदाबादमध्ये मंगळवारी कमाल तापमान 45.2 अंश सेल्सिअस होते, जे बुधवारी वाढून 45.9 अंशांवर पोहोचले. मंगळवारी झालेल्या इंडियन प्रीमियर लीगच्या पहिल्या क्वालिफायर सामन्यात कोलकाता नाईट रायडर्सने सनरायझर्स हैदराबादचा आठ गडी राखून पराभव करून अंतिम फेरीत आपले स्थान पक्के केले. KKR रविवारी चेन्नईत फायनल खेळणार आहे.
