साऊथ फिल्म अभिनेता सुधीर वर्माने आत्महत्या केली

साऊथ फिल्म इंडस्ट्रीतून एक दु:खद बातमी समोर आली आहे. टॉलिवूड अभिनेता सुधीर वर्माने आत्महत्या केली आहे. मिळालेल्या माहितीनुसार, त्यांनी विशाखापट्टणम येथील राहत्या घरी आत्महत्या केली. त्याच्यासोबत काम करणाऱ्या सुधाकरने अभिनेत्याच्या मृत्यूला दुजोरा दिला आहे. त्याने सोशल मीडियावर एक पोस्ट शेअर करत आश्चर्य व्यक्त केले आहे. 

सुधाकरने ट्विटरवर लिहिले की, "सुधीर! इतकी सुंदर व्यक्ती... तुला ओळखून आणि तुझ्यासोबत काम करून खूप छान वाटले. विश्वास बसत नाही की तू आता या जगात नाहीस. ओम शांती.” सुधीरने अचानक हे पाऊल का उचलले हे अद्याप कळलेले नाही. मात्र, काही दिवसांपासून तो मानसिक दडपणाखाली चालत होता, असे मीडिया रिपोर्ट्समध्ये सांगण्यात आले आहे. सुधीर यांच्या आकस्मिक निधनाने संपूर्ण टॉलिवूड इंडस्ट्रीला धक्का बसला आहे.

सुधीरने 2013 मध्ये अभिनय जगतात प्रवेश केला होता. त्यांच्या पहिल्या चित्रपटाचे नाव होते 'स्वामी रा रा'. यानंतर तो अनेक चित्रपटांमध्ये दिसला. 2016 मध्ये 'कुंदनपू बोम्मा' या सिनेमातून तो खूप प्रसिद्ध झाला. मात्र, या चित्रपटानंतरही त्याला इंडस्ट्रीत चांगल्या ऑफर्स मिळत नव्हत्या.

Edited By - Priya Dixit