Lok Sabha Elections 2024 : लोकसभा निवडणूक 2024 साठी मुंबईत 20 मे रोजी मतदान होत आहे. सर्वसामान्य नागरिकांसोबतच बॉलिवूड सेलेब्सही मतदान करण्यासाठी मतदान केंद्रावर पोहोचले आहेत. त्याचवेळी सेलेब्स चाहत्यांना त्यांच्या मताधिकाराचा वापर करण्याचे आवाहन करत आहेत. फरहान अख्तर, राजकुमार राव, जान्हवी कपूरसह अनेक चित्रपट सेलिब्रिटींनी मतदान केले.
भारतीय नागरिकत्व मिळाल्यानंतर अक्षय कुमारनेही पहिल्यांदा मतदान केले. जुहूमध्ये मतदान केल्यानंतर अक्षय कुमार म्हणाला, 'मला आपल्या भारताचा विकास आणि मजबूत करायचा आहे आणि मी मतदान करताना हे माझ्या मनात ठेवले. सर्व भारतीयांनी आपल्यासाठी काय योग्य आहे हे लक्षात ठेवून मतदान करावे.
वांद्रे येथील मतदान केंद्रावर मतदान करण्यासाठी रांगेत उभा असलेला फरहान अख्तर म्हणाला, माझे मत सुशासनासाठी आहे. सर्व लोकांना विचारात घेणारे आणि आम्हाला एक चांगले शहर देणारे सरकार. विशेषतः तरुणांना मतदान करण्याचे आवाहन त्यांनी केले.
याशिवाय धर्मेंद्र, परेश रावल, अभिनेत्री सान्या मल्होत्रा, श्रिया शरण आणि चित्रपट निर्माते आशुतोष गोवारीकर यांच्यासह अनेक बॉलिवूड सेलिब्रिटींनी मतदान केले.
