गेल्या 24 तासांत देशात 12,781 नवे कोरोना रुग्ण आढळले आहेत. यादरम्यान, सक्रिय प्रकरणांमध्ये 4226 ची वाढ झाली आणि त्यांची संख्या 76,700 झाली. दैनंदिन संसर्ग दर 4.32 टक्के नोंदवला गेला आहे.
सोमवारी सकाळी केंद्रीय आरोग्य मंत्रालयाने जारी केलेल्या अहवालानुसार, गेल्या 24 तासांत 8537 लोक कोरोनामधून बरे झाले आहेत. तथापि, सक्रिय प्रकरणांमध्ये झपाट्याने होणारी वाढ चिंताजनक आहे. रविवारी 12,899 नवे कोरोना बाधित आढळले. त्या तुलनेत सोमवारी 12,781 नवे रुग्ण आढळून आले असून त्यात थोडीशी घट झाली आहे.
गेल्या 24 तासांत साथीच्या आजाराने 18 जणांना आपला जीव गमवावा लागला आहे. यासह एकूण मृतांचा आकडा 5,24,873 वर पोहोचला आहे. गेल्या आठवडाभरापासून दररोज 12 हजारांहून अधिक नवे रुग्ण येत आहेत. गेल्या काही दिवसांपासून कोविड प्रकरणामध्ये सातत्याने वाढ होत आहे. तथापि, तज्ञ हे कोणत्याही नवीन लाटेचे लक्षण मानत नाहीत. लोकांमधील वाढता निष्काळजीपणाही याला कारणीभूत असल्याचे तज्ज्ञांनी म्हटले आहे.
