रशियाच्या दक्षिणेकडील प्रांत - दागेस्तानमध्ये ख्रिश्चन आणि ज्यूंच्या सिनेगॉगवर अत्याधुनिक शस्त्रांनी अंदाधुंद गोळीबार केल्याची बातमी आहे. दागेस्तानच्या डर्बेंट शहरात गोळीबार झाला. वृत्तसंस्था पीटीआयने एपीच्या हवाल्याने सांगितले की, दागेस्तानच्या गव्हर्नरने सांगितले की, बंदुकधारींच्या हल्ल्यात 15 हून अधिक पोलिस आणि अनेक नागरिक मारले गेले आहेत, सुरक्षा दलांनी प्रत्युत्तरादाखल सहा दहशतवाद्यांना ठार केले आहे. या हल्ल्यात 20 हून अधिक लोक जखमी झाले आहे.
मीडिया रिपोर्टनुसार, रविवारी रशियातील दागेस्तानमध्ये दहशतवाद्यांनी दोन चर्च, एक सिनेगॉग (ज्यू मंदिर) आणि पोलिस चौकीवर हल्ला केला. सोमवार, मंगळवार व बुधवारी परिसरात शोकदिन पाळण्यात येणार आहे.
दागेस्तानच्या गृह मंत्रालयाने सांगितले की, सशस्त्र लोकांच्या एका गटाने कॅस्पियन समुद्रावर असलेल्या डर्बेंट शहरातील सिनेगॉग आणि चर्चवर गोळीबार केला. त्यामुळे दोन्ही ठिकाणी आग लागली.
अधिकाऱ्यांनी या भागात दहशतवादविरोधी कारवाई सुरू केली आणि पाच हल्लेखोरांना ठार केले. मात्र, सहा बंदूकधारी मारले गेल्याचे राज्यपालांचे म्हणणे आहे. सध्या, याची स्पष्टपणे पुष्टी झालेली नाही. हल्लेखोरांविरुद्ध प्रत्युत्तराच्या कारवाईदरम्यान, रशियन सुरक्षा दलांनी अनेक हल्लेखोरांना ठार केले.
