नैऋत्य जपानमध्ये 6.9रिश्टर स्केल तीव्रतेचा भूकंप जाणवला. जपानच्या हवामान संस्थेनेही सुनामीचा इशारा दिला आहे. भूकंप रात्री 9.19 वाजता झाला आणि त्यानंतर लगेचच मियाझाकी प्रीफेक्चरसाठी त्सुनामीचा इशारा देण्यात आला. नजीकच्या कोची राज्यासाठीही इशारा देण्यात आला होता.
हवामान खात्यानुसार, सुनामीच्या लाटा एक मीटरपर्यंत पोहोचू शकतात. भूकंपामुळे कोणतीही जीवितहानी झाल्याची माहिती नाही. ज्वालामुखी आर्क, रिंग ऑफ फायर आणि पॅसिफिक बेसिनमधील फॉल्ट लाईन्सच्या बाजूने असलेल्या स्थानामुळे, जपान अनेकदा भूकंपांना असुरक्षित आहे.
भूकंपाची तीव्रता रिश्टर स्केलवर 6.9 इतकी मोजण्यात आली आहे. जपानच्या क्यूशूमध्ये भूकंपाचे जोरदार धक्के जाणवले, असे जपानच्या हवामान संस्थेने म्हटले आहे. भूकंपानंतर किनारपट्टी भागात त्सुनामीचा इशाराही देण्यात आला आहे. या भूकंपामुळे अद्याप कुठलीही हानी किंवा जीवितहानी झाल्याची माहिती समोर आलेली नाही. भूकंपाचा केंद्रबिंदू मियाझाकी प्रांतात होता.
याआधी गेल्या वर्षी नोव्हेंबर महिन्यातही जपानच्या उत्तर-मध्य भागात नोटोमध्ये भूकंपाचे जबरदस्त धक्के जाणवले होते.
