डॉक्टरांनी राष्ट्राध्यक्ष व्लादिमीर पुतिन यांना तीन वर्षांची मुदत दिल्याचा दावा रशियाच्या एका गुप्तचर अधिकाऱ्याने केला आहे. कॅन्सर हळूहळू वाढत असून त्यामुळे त्यांची दृष्टीही जात आहे. गेल्या काही दिवसांपासून मीडियामध्ये अशा बातम्या येत आहेत की, राष्ट्राध्यक्ष पुतिन यांची प्रकृती दिवसेंदिवस ढासळत चालली आहे. मात्र, रशियाचे परराष्ट्र मंत्री सर्गेई लावरोव्ह यांनी पुतीन आजारी असल्याचे ठामपणे नाकारले.
सर्गेई म्हणाले की अध्यक्ष पुतिन यांना या आजाराची कोणतीही लक्षणे नाहीत. मीडिया रिपोर्ट्सनुसार, एफएसबीच्या अधिकाऱ्याने यूकेमध्ये राहणारा माजी रशियन गुप्तहेर कार्पिकोव्हला संदेश पाठवून ही माहिती दिली होती.
या मेसेजमध्ये असे लिहिले होते की, आम्हाला सांगण्यात आले आहे की, त्यांना डोकेदुखीचा त्रास होत आहे. याशिवाय जेव्हा तो टीव्हीवर येतात तेव्हा त्यांना मोठ्या अक्षरात लिहिलेला कागद दिला जातो. अक्षरे इतकी मोठी आहेत की पानात फक्त काही वाक्ये येतात. त्यांची दृष्टी खूप वेगाने कमी होत आहे. याशिवाय त्यांचे हातपाय देखील कमजोर असल्याचेही एका अहवालात म्हटले आहे.
या महिन्यात पुतिन यांच्या पोटातील द्रव काढून टाकण्यासाठी शस्त्रक्रिया करावी लागल्याच्या बातम्याही आल्या होत्या. कोणतीही अडचण न येता त्यांच्यावर शस्त्रक्रिया करण्यात आली. मात्र, रशियन सरकारने त्यांच्या प्रकृतीबाबत केलेले हे दावे फेटाळले आहेत. परराष्ट्र मंत्री म्हणाले, मला वाटत नाही की अशा प्रकारे एखाद्याचा आजार ओळखता येईल. पुतिन हे दोन दशकांपासून रशियात सत्तेवर आहेत.
