Nepal News: शनिवारी पुन्हा एकदा नेपाळची भूमी भूकंपाच्या धक्क्यांनी हादरली. शनिवारी काही तासांच्या अंतराने वेगवेगळ्या ठिकाणी दोनदा पृथ्वी हादरल्याचे सांगण्यात येत आहे.
मिळालेल्या माहितीनुसार भारताचा शेजारील देश नेपाळ पुन्हा एकदा भूकंपाच्या तीव्र धक्क्यांनी हादरला आहे. येथे अवघ्या काही मिनिटांच्या अंतराने झालेल्या भूकंपामुळे पृथ्वी दोनदा हादरली. यामुळे लोक घाबरले आणि घराबाहेर पळू लागले. शनिवारी सकाळी नेपाळच्या वेगवेगळ्या भागात दोनदा सौम्य तीव्रतेचे भूकंपाचे धक्के जाणवल्याचे सांगण्यात येत आहे. तसेच दिलासादायक बाब म्हणजे भूकंपामुळे कोणत्याही प्रकारच्या नुकसानीची माहिती मिळालेली नाही. नेपाळच्या राष्ट्रीय भूकंप देखरेख केंद्रानुसार, काठमांडूपासून सुमारे ३०० किमी अंतरावर असलेल्या बागलुंग जिल्ह्यात सकाळी ६.२० वाजता भूकंप झाला. तसेच रिश्टर स्केलवर त्याची तीव्रता ४.१ होती. नेपाळमध्ये झालेल्या भूकंपामुळे स्थानिक लोकांमध्ये भीतीचे वातावरण निर्माण झाले आहे. रिश्टर स्केलवर त्याची तीव्रता ४.१ मोजण्यात आली. त्याचे केंद्र जिल्ह्यातील खुखानी क्षेत्र असल्याचे सांगितले जाते. बागलुंगपासून सुमारे ४० किमी अंतरावर असलेल्या म्याग्दी जिल्ह्यात पहाटे ३.१४ वाजता भूकंपाचे धक्के जाणवल्याचे आधी सांगण्यात आले होते.
Edited By- Dhanashri Naik
