पंतप्रधान नरेंद्र मोदी यांना चीनच्या दौऱ्या दरम्यान एक सुखद धक्का चीनच्या गायक-वादकांनी दिला. अनौपचारिक शिखर परिषदेसाठी चीनमध्ये गेलेले मोदी यांच्या सन्मानार्थ चीनच्या वादकांनी चक्क हिंदी गाणे वाजवून त्यांचे स्वागत केले. त्यानंतर मोदींनी हास्य करुन वादकांना दाद दिली. मोदी कौतुकाने वादकाचे निरीक्षण करुन हिंदी गाण्याचा आस्वाद घेत दाद दिली. मोदींची स्वागत करताना ..तू, तू है वही दिल ने जिसे अपना कहा, हे गाणे वादकांनी वाजवले आणि मोदींनीही वादकांसाठी टाळ्या वाजवून त्यांचे कौतुक केले. पंतप्रधान नरेंद्र मोदी आणि जिनपिंग यांनी झील इस्ट लेकच्या किनारी मॉर्निंग वॉक केला. यानंतर दोघांनीही नौकाविहार करत मैत्रीचा संदेशही दिला.
डोकलाम संघर्षांनंतर भारत आणि चीन यांच्यातील संबंध विकोपाला गेलेत. त्यानंतर पंतप्रधान मोदी चीनच्या दौऱ्यावर गेले आहेत. भारत-चीन संबंध सुधारण्याचा निर्धार करण्यात आलाय.
