Select Your Language

Notifications

webdunia
webdunia
webdunia
webdunia

राष्ट्रवादीतली गळती सुरूच, भास्कर जाधव १३ तारखेला शिवसेनेत जाणार

राष्ट्रवादीतली गळती सुरूच, भास्कर जाधव १३ तारखेला शिवसेनेत जाणार
, सोमवार, 9 सप्टेंबर 2019 (15:31 IST)
राष्ट्रवादी काँग्रेसचे दिग्गज नेते भाजप आणि शिवसेनेत दाखल होण्याचे सत्र अजूनही सुरूच आहे. राष्ट्रवादीचे श्रीवर्धनचे आमदार अवधूत तटकरे शिवसेनेत प्रवेश करत आहेत. तर राष्ट्रवादीचे माजी प्रदेशाध्यक्ष आणि गुहागरचे आमदार भास्कर जाधव १३ तारखेला शिवसेनेत दाखल होतील. 
 
राष्ट्रवादीचे पहिल्या फळीतील नेते गणेश नाईक यांचा येत्या बुधवारी भाजपात प्रवेश होत आहे.याशिवाय इतर काही नेत्यांचा प्रवेश शिवसेना, भाजपात होण्याची शक्यता आहे.  यात छगन भुजबळ, आमदार रामराजे निंबाळकर या नेत्यांचा समावेश आहे. तर उदयनराजे भोसले यांनी पुढची वाटचाल ठरवण्यासाठी पुण्यात कार्यकर्त्यांची बैठक बोलावली आहे. 
 
याआधी शिवेंद्रराजे भोसले, सचिन अहिर, संदीप नाईक, राणाजगजीत सिंह, चित्रा वाघ, धनंजय महाडिक, दिलीप सोपल, मधुकर पिचड आणि त्यांचा मुलगा वैभव पिचड, विजयसिंग मोहिते पाटील यांचा मुलगा रणजीत सिंग मोहिते पाटील यांनी राष्ट्रवादी काँग्रेसला सोडचिठ्ठी दिली आहे.
 

Share this Story:

Follow Webdunia marathi

पुढील लेख

कोल्हापूर, सांगलीत पुन्हा पूरस्थिती