Select Your Language

Notifications

webdunia
webdunia
webdunia
webdunia

सोन्याचे भाव ५६ हजाराच्या पुढे गेले

webdunia
शनिवार, 8 ऑगस्ट 2020 (09:15 IST)
जागतिक आणि देशांतर्गत बाजारातील सोन्या-चांदीच्या दराची तेजी कायम असून एमसीएक्स वायदे बाजारात पहिल्यांदाच सोन्याच्या दराने 56 हजार रुपयांची पातळी ओलांडली आहे. ऑक्टोबर डिलिव्हरी सोन्याचे प्रती 10 ग्रॅमचे दर शुक्रवारी सकाळी 300 रुपयांनी वाढून 56 हजार 143 रुपयांवर गेले. चांदीचे प्रतिकिलोचे दरही 1750 रुपयांनी वाढून 77 हजार 802 रुपयांवर गेले आहेत. 
 
सोन्याच्या दरात गुरुवारी 720 रुपयांनी वाढ झाली होती, त्यापाठोपाठ सोने परत 300 रुपयांनी वाढले आहे. देशांतर्गत बाजारात सोन्याचे दर चालूवर्षी तब्बल 44 टक्क्यांनी वाढले आहेत. जागतिक बाजारातही सोने दराचा दररोज नवा विक्रम होत आहे. 
 
जागतिक बाजारपेठेत सोन्याचे प्रती औंसचे दर 2070 डॉलर्सच्या आसपास स्थिर झाले आहेत. दुसरीकडे चांदीचे प्रती औंसचे दर 30 डॉलर्सवर गेले आहेत. अन्य चलनाच्या तुलनेत डॉलर कमजोर होत असल्याने देखील सोन्या-चांदीला मागणी आली आहे. जागतिक बाजारात चालू वर्षी सोन्याचे दर 35 टक्क्याने वाढले आहेत.

Share this Story:

Follow Webdunia Hindi

पुढील लेख

राज्याचे रुग्ण बरे होण्याचे प्रमाण ६७ टक्क्यांवर