भारतीय रेल्वेने घरबसल्या मोबाईलवर आणि रेल्वेचा चार्ट तयार झाल्यानंतरही कन्फर्म तिकीट बुकिंग मिळवण्याची सोय आता उपलब्ध झाली आहे. यापूर्वी करंट बुकिंग करण्यासाठी तुम्हांला रेल्वे स्थानकावर तिकीट काऊंटरवर त्याबाबत विचारणा करावी लागत असे. मात्र आता करंट बुकिंगही मोबाईलवर उपलब्ध करून दिला आहे.
चार्ट तयार झाल्यानंतर ज्या ट्रेनमध्ये आसनं रिकामी आहेत त्याची बुकिंग आता करंट बुकिंग फॅसिलिटीद्वारा बुक करण्याची सोय देण्यात आली आहे. करंट बुकिंगमध्ये तिकीट मिळवण्यासाठी IRCTC Rail Connect App आणि IRCTC च्या वेबसाईटवर खास बुकिंग व्यवस्था देण्यात आली आहे. रेल्वेचं तिकीट मोबाईलवर बुक करण्यासाठी IRCTC Rail Connect App मदत करते. या अ‍ॅपवर ट्रेनचा चार्ट तयार झाल्यानंतर Current Avialble चा पर्याय दिसतो. रेल्वेच्या अ‍ॅपसोबतच IRCTC च्या वेबसाईटवरही एक नवं फीचर जोडण्यात आलं आहे. त्याद्वारा तिकीट खिडकीवर विकत घेतलेले तिकीट मोबाईलवर रद्द करू शकता.
