महिंद्रा अँड महिंद्रा या वाहन कंपनीने विविध प्रकारचे फायदे दिले आहेत ज्यात 11,500 रुपयांपर्यंतची अतिरिक्त रोख सूट, कमी व्याज दर, सरकारी कर्मचार्‍यांकडून वाहन खरेदीवर सहज मासिक हप्त्यांचा समावेश आहे. गुरुवारी कंपनीच्यावतीने प्रसिद्धीपत्रकात कंपनीने आपल्या ‘गव्हर्नमेंट 2.0’ कार्यक्रमाची माहिती दिली. याअंतर्गत सर्व सरकारी कर्मचार्‍यांना 11,500 कोटी रुपयांपर्यंतची रोख सूट मिळू शकेल. त्याशिवाय शून्य प्रक्रिया शुल्क व 7.25 टक्के व्याजदरापासून सुरू होणारी कर्जे दिली जातील.
याशिवाय त्यांना इतर उत्सव विक्रीचा लाभही मिळणार असल्याचे कंपनीने म्हटले आहे. आठ वर्षांच्या हप्ते भरपाई, किमान मासिक हप्ता प्रती लाखापर्यंत हप्त्या इत्यादींचा लाभही मिळेल. महिंद्रा अँड महिंद्राचे मुख्य कार्यकारी अधिकारी (ऑटोमोटिव्ह डिव्हिजन) विजय नाकरा म्हणाले की, यावर्षी नवरात्रात एसयूव्ही प्रकारातील आमच्या बुकिंगमध्ये 41 टक्क्यांनी वाढ झाली आहे. एकूणच (पिक-अप आणि छोट्या व्यावसायिक वाहनांसह) मागील वर्षीच्या याच कालावधीपेक्षा आमची विक्री सुमारे 20 टक्के जास्त आहे. होंडा कार्स इंडियाने सांगितले की, नवरात्रीत किरकोळ विक्रीत 10 टक्क्यांनी वाढ झाली आहे.
