ndia vs Australia (IND vs AUS) 2nd Test: भारत आणि ऑस्ट्रेलिया यांच्यातील कसोटी मालिकेतील दुसरा सामना दिल्लीत होत आहे. चार सामन्यांच्या मालिकेतील पहिला सामना भारताने एक डाव आणि 132 धावांनी जिंकला होता. आता दुसरा सामनाही जिंकून मालिकेत अजेय आघाडी मिळवण्याचा भारताचा प्रयत्न असेल. नाणेफेक जिंकून ऑस्ट्रेलियाने प्रथम फलंदाजी करण्याचा निर्णय घेतला आहे.
IND vs AUS 2nd Test: ऑस्ट्रेलियाची फलंदाजी सुरू
नाणेफेक जिंकल्यानंतर ऑस्ट्रेलियन संघाने प्रथम फलंदाजी करण्याचा निर्णय घेतला आहे. डेव्हिड वॉर्नर आणि उस्मान ख्वाजा ही सलामीची जोडी क्रीझवर आहे. ऑस्ट्रेलियाला सामन्याच्या पहिल्याच चेंडूवर बाय म्हणून चार मोकळ्या धावा मिळाल्या. शमीने लेगस्टंपच्या बाहेर चांगली गोलंदाजी केली आणि यष्टीरक्षक तो पकडण्यात अपयशी ठरला. पहिल्या ओव्हरच्या शेवटच्या चेंडूवर वॉर्नरला अंपायरने एलबीडब्ल्यू आऊट केले, पण त्याने रिव्ह्यू घेतला आणि चेंडू त्याच्या बॅटला लागून पॅडला लागला. अशा परिस्थितीत वॉर्नर क्रीजवर सुरक्षित राहिला. एका षटकाच्या अखेरीस ऑस्ट्रेलियाने बिनबाद चार धावा केल्या आहेत.
