India Legends vs Sri Lanka Legends : India Legends ने 2022 च्या रोड सेफ्टी वर्ल्ड सिरीजच्या अंतिम सामन्यात श्रीलंका लिजेंड्सचा 33 धावांनी पराभव करून दुसऱ्यांदा विजेतेपद पटकावले.रायपूर येथील शहीद वीर नारायण सिंग आंतरराष्ट्रीय क्रिकेट स्टेडियमवर खेळल्या गेलेल्या अंतिम सामन्यात नाणेफेक जिंकून प्रथम फलंदाजी करताना भारताने नमन ओझाच्या शतकाच्या जोरावर 20 षटकांत 6 गडी गमावून 195 धावा केल्या.प्रत्युत्तरात श्रीलंकेला 18.5 षटकांत सर्व गड्यांच्या मोबदल्यात 162 धावाच करता आल्या.
पहिल्या आवृत्तीच्या अंतिम फेरीतही दोन्ही संघ आमनेसामने आले होते, जिथे इंडिया लिजेंड्सने श्रीलंका लिजेंड्सचा 14 धावांनी पराभव करून पहिले विजेतेपद पटकावले होते.
196 धावांच्या लक्ष्याचा पाठलाग करताना श्रीलंकेच्या संघाने ठराविक अंतराने विकेट गमावल्या, त्यामुळे संघाला लक्ष्य गाठणे कठीण झाले.दुसऱ्या षटकात जयसूर्या 5 धावांवर बाद झाला.कर्णधार तिलकरत्ने दिलशान 15 चेंडूत 11 धावा काढून बाद झाला.गुणरत्नेने 17 चेंडूत 19 धावा केल्या.थरंगाला 10 धावा करता आल्या.जीवन मेंडिसने 11 चेंडूत 20 धावा केल्या.इशान जयरत्नेने २२ चेंडूंत सर्वाधिक ५१ धावा केल्या.नाणेफेक जिंकून प्रथम फलंदाजी करताना नमन ओझाने निर्धारित 20 षटकांत 6 गडी गमावून 195 धावा केल्या.भारताकडून सलामीवीर नमन ओझाने 108 धावा केल्या.
सचिन तेंडुलकरने फायनलमध्ये नाणेफेक जिंकून फलंदाजी करण्याचा निर्णय घेतला, पण तो स्वत: पहिल्याच चेंडूवर पॅव्हेलियनमध्ये परतला.सुरेश रैनाही जास्त वेळ क्रीजवर थांबला नाही आणि 2 चेंडूत 4 धावा करून बाद झाला.यानंतर विनय कुमारने नमन ओझासोबत अर्धशतकी भागीदारी केली.विनय ३६ धावा करून बाद झाला.त्याने 21 चेंडूत 4 चौकार आणि 1 षटकार ठोकला.युवराज सिंगने 13 चेंडूत 19 धावांचे योगदान दिले.त्याने 2 चौकार आणि 1 षटकार मारला.श्रीलंकेकडून नुवान कुलसेकराने तीन बळी घेतले.
