भारतीय क्रिकेटपटू मोहम्मद शमीला पत्नीच्या छळ प्रकरणी मंगळवारी जामीन मिळाला आहे. अलीपूर न्यायालयाने मोहम्मद शमीला प्रत्यक्ष हजर राहण्याचे आदेश दिले होते. भारतीय क्रिकेटपटूने मंगळवारी न्यायालयात हजर राहून जामिनासाठी अर्ज केला. न्यायालयाने त्यांचा अर्ज स्वीकारला.
विश्वचषकापूर्वी भारतीय क्रिकेटपटू मंगळवारी कोर्टात हजर झाले. शमीचा भाऊ मोहम्मद हसिमही त्याच्यासोबत होता. दोघांनी जामिनासाठी अर्ज केला. न्यायाधीशांनी याचिका मान्य करत दोघांनाही जामीन मंजूर केला. शमीचे वकील सलीम रहमान म्हणाले, 'शमी आणि त्याचा भाऊ हसिम कोर्टात हजर झाले. त्यांनी जामिनासाठी अर्ज केला. तो अर्ज न्यायालयाने मंजूर केला आहे. सलीम यांच्याशिवाय वकील नजमुल आलम सरकार न्यायालयात उपस्थित होते.
8 मार्च 2018 मध्ये हसीनने शमी आणि त्याच्या भावाविरुद्ध जादवपूर पोलिस ठाण्यात एफआयआर दाखल केला होता आणि त्यांच्यावर तिचा छळ केल्याचा आरोप केला होता. 29 ऑगस्ट 2019 रोजी अलीपूरच्या ACJM कोर्टाने शमीविरोधात अटक वॉरंट जारी केले होते. त्याच वर्षी 9 सप्टेंबर रोजी अलीपूर जिल्हा सत्र न्यायालयाने या आदेशाला स्थगिती दिली. जवळपास चार वर्षांपासून हे प्रकरण प्रलंबित आहे.
