अफगाणिस्तान आणि पाकिस्तान संघ संयुक्त अरब अमिराती (UAE) मध्ये तिरंगी मालिका खेळत आहेत. T20I तिरंगी मालिका 29 ऑगस्ट रोजी सुरू झाली, ज्यामध्ये पाकिस्तानने अफगाणिस्तानला 39 धावांनी पराभूत करून विजयाने सुरुवात केली. त्यानंतर, तिरंगी मालिकेच्या चौथ्या सामन्यात अफगाणिस्तान पुन्हा एकदा पाकिस्तानशी भिडला, ज्याचा निकाल आश्चर्यकारक होता. खरं तर, 2 सप्टेंबर रोजी शारजाह येथे खेळल्या गेलेल्या सामन्यात अफगाणिस्तान संघाने पाकिस्तानला हरवून क्रिकेट जगतात खळबळ उडवून दिली.
प्रथम फलंदाजी करताना अफगाणिस्तान संघाने 20 षटकांत 5 गडी गमावून स्कोअरबोर्डवर 169 धावा केल्या. सेदिकुल्लाह अटल आणि इब्राहिम झदरान यांनी शानदार अर्धशतके झळकावली. अटलने 64 धावा केल्या तर झदरानने 65 धावा केल्या.
अफगाणिस्तानच्या 169 धावांच्या प्रत्युत्तरात पाकिस्तानच्या फलंदाजांची कामगिरी निराशाजनक होती. संपूर्ण पाकिस्तान संघ 20 षटकांत 9 गडी गमावून केवळ 151 धावा करू शकला. अशाप्रकारे, पाकिस्तान संघाला अफगाणिस्तानविरुद्ध 18 धावांनी पराभव स्वीकारावा लागला.
अफगाणिस्तानच्या या महान विजयात माजी कर्णधार मोहम्मद नबीने महत्त्वाची भूमिका बजावली. नबीने चेंडूने शानदार कामगिरी केली. त्याने 4 षटकांत 20 धावा देऊन फखर जमान आणि फहीम अश्रफ यांचे बळी घेतले. अशाप्रकारे त्याने टी20 क्रिकेटमध्ये100 विकेट्स पूर्ण केल्या. यासह, टी20 क्रिकेटमध्ये100 विकेट्स घेणारा आणि 2000 धावा करणारा नबी जगातील दुसरा अष्टपैलू खेळाडू ठरला.
