UP Warriorz vs Mumbai Indians (UP vs MI) महिला आयपीएल : महिला प्रीमियर लीगच्या पहिल्या सत्राचा टप्पा प्लेऑफमध्ये पोहोचला आहे. या स्पर्धेतील एलिमिनेटर सामना शुक्रवारी मुंबई इंडियन्स आणि यूपी वॉरियर्स यांच्यात होणार आहे. दोन्ही संघांना हा सामना जिंकून अंतिम फेरीत दिल्लीचा सामना करायचा आहे. या लीगमधील पहिले पाच सामने मुंबईने जिंकले होते, मात्र शेवटच्या तीनपैकी दोन सामन्यात पराभव पत्करावा लागल्याने थेट अंतिम फेरीत स्थान मिळवण्यात संघाला मुकावे लागले. त्याच वेळी, यूपीने खराब कामगिरीतून सावरले आणि तिसरे स्थान मिळवून प्लेऑफमध्ये प्रवेश केला.
कर्णधार हरमनप्रीत आणि मुंबईचे गोलंदाज आश्चर्यकारक कामगिरी करत आहेत. त्याचबरोबर यूपीचा संघही फॉर्म मध्ये आहे. अशा स्थितीत हा सामना अतिशय रोमांचक होण्याची अपेक्षा आहे
मुंबई इंडियन्स महिला आणि यूपी वॉरियर्स यांच्यातील सामना शुक्रवार, 24 मार्च रोजी डॉ डी वाय पाटील स्टेडियम, मुंबई येथे संध्याकाळी 7:30 वाजता खेळवला जाईल. नाणेफेक संध्याकाळी 7 वाजता होईल.
मुंबई इंडियन्सच्या दोन्ही संघातील संभाव्य ११ खेळाडू - हीली मॅथ्यूज, यास्तिका भाटिया (विकेटकीपर), नॅट सायव्हर-ब्रंट, हरमनप्रीत कौर (क), अमेलिया केर, इस्सी वाँग, अमनजोत कौर, पूजा वस्त्राकर, हुमैरा काझी, जिंतीमणी कलिता, सायका इशाक.
यूपी वॉरियर्स - श्वेता सेहरावत/देविका वैद्य, अॅलिसा हिली (कर्णधार/विकेटकीपर), किरण नवगिरे, ताहलिया मॅकग्रा, ग्रेस हॅरिस, दीप्ती शर्मा, सोफी एक्लेस्टोन, सिमरन शेख, पार्श्वी चोप्रा, अंजली सरवानी, राजेश्वरी गायकवाड.
