श्रेयस अय्यर या मालिकेसाठी संघात परतणार?

बीसीसीआयने श्रेयस अय्यरला केंद्रीय करारातून वगळले होते, त्यानंतर या खेळाडूने आयपीएलमध्ये केकेआरचे शानदार नेतृत्व केले. अय्यरच्या नेतृत्वाखाली केकेआरने फायनल जिंकून ट्रॉफी जिंकली. येथून अय्यर भारतीय संघात पुनरागमन करेल असे वाटत होते.

श्रेयस अय्यरचे टीम इंडियात पुनरागमन होऊ शकते. टी-२० विश्वचषकानंतर भारतीय संघ झिम्बाब्वे दौऱ्यावर जाणार आहे.

श्रीलंकेविरुद्धच्या वनडे मालिकेसाठी श्रेयस अय्यर टीम इंडियात पुनरागमन करू शकतो. अशी शक्यता बीसीसीआयच्या सूत्रांनी व्यक्त केली आहे.

बीसीसीआयच्या सूत्रांच्या हवाल्यानेदिलेल्या वृत्तानुसार, श्रेयस अय्यर तीन सामन्यांच्या वनडे मालिकेसाठी श्रीलंकेला जाण्याची शक्यता आहे. शेवटच्या सामन्यात भारताने दक्षिण आफ्रिकेविरुद्ध एकदिवसीय सामना खेळला होता आणि त्या सामन्यात अय्यरने अर्धशतक झळकावले होते.

श्रेयस अय्यर अखेरचा भारतीय संघाकडून कसोटी फॉरमॅटमध्ये खेळला होता. इंग्लंडविरुद्धच्या कसोटी मालिकेत तो दोन सामने खेळला. त्यानंतर त्याला संघातून वगळण्यात आले. तो रणजी ट्रॉफीमध्येही खेळला नव्हता. त्यानंतर त्याला करारातून वगळण्यात आले.

Edited by - Priya Dixit