Select Your Language

Notifications

webdunia
webdunia
webdunia
Wednesday, 2 April 2025
webdunia

Remove Excess Oil From Food भाजीत जास्त तेल पडल्यास हे उपाय अमलात आणा

Remove Excess Oil From Food
Remove Excess Oil From Food भारत मसालेदार पदार्थ आणि तिखट चवीसाठी जगभर प्रसिद्ध आहे. कधीकधी असे देखील होते की घाईघाईने आपण आपल्या जेवणात खूप तेल टाकतो. हे तुमच्यासाठी हानिकारक असू शकते. स्वयंपाक केल्यानंतर तेल काढणे देखील कठीण आहे. या सर्व कारणांमुळे आम्ही काही टिप्स अमलात आणू शकतो.
 
जर तुमच्या जेवणात जास्त तेल असेल तर तुम्ही बर्फाच्या साहाय्याने तेल काढू शकतो पण ते कसे ते जाणून घेऊया.
 
आइस क्यूबच्या फ्रीजिंग प्वाईंटमुळे तेल गोठतं. त्याचा थर सहज काढता येतो. जेव्हा बर्फाच्या क्यूबवर तेलाचा थर तयार होऊ लागतो, तेव्हा तुम्हाला लगेच बर्फ काढून टाकावा लागेल.
 
बर्फाने तेल कसे काढायचे?
तुम्हाला अद्याप त्याबद्दल माहिती नसल्यास या लेखात जाणून घ्या की बर्फाच्या मदतीने अतिरिक्त तेल कसे काढायचे. जर तुमच्या ग्रेव्हीमध्ये, भाज्यांमध्ये किंवा डाळीमध्ये जास्त तेल असेल तर चतुर्थांश प्लेट, वाटी किंवा कोणत्याही पळीत 4-5 बर्फाचे तुकडे ठेवा. भांडी थंड झाल्यावर ग्रेव्हीवर हलक्या हाताने फिरवा. त्यामुळे जास्तीचे तेल भांड्याला चिकटून राहते. तुमची जास्त तेलाची समस्या मिटेल.
 
पळी वापरा
तुम्ही पळीच्या मदतीने अन्नातील अतिरिक्त तेल देखील काढून टाकू शकता. जर स्वयंपाक करताना तुमच्या लक्षात आले की तेल खूप आहे, भाजी तेल सोडू लागली आहे तर एका पळी किंवा इतर खोल डाव घेऊन तेल काढता येऊ शकतं. या दरम्यान भाजी ढवळू नका, कारण तेल नंतर अन्नात मिसळेल आणि ते काढणे तुम्हाला कठीण होईल. आपण शिजवल्यानंतर तेल देखील काढू शकता. आपले अन्न थोडावेळ झाकून ठेवा. वर तेल दिसू लागले की तेल काढून टाका.
 
भाजलेले बेसन वापरा
बेसनाच्या मदतीने तुम्ही जास्तीचे तेलही काढून टाकू शकता. यासाठी एका पॅनमध्ये 1 चमचा बेसन कोरडंच भाजून घ्या. आता तुम्ही जी काही भाजी तयार केली असेल, त्यात बेसन घालून मिक्स करा. बेसन हे असेच एक पदार्थ आहे, जे तेल शोषून घेते. त्यामुळे भाजीची चवही वाढेल आणि तेलही दिसणार नाही.
 
काही भाज्या अशा असतात की त्या जास्त तेल पितात, पण शिजवल्यानंतर ते जास्तीचे तेल सोडू लागतात. अशा परिस्थितीत आधी जास्त तेल टाकणे टाळावे. लक्षात ठेवा की तुम्ही आधी कमी तेल टाकून नंतर गरज पडल्यास तेल वेगळ्या गरम करुन देखील पदार्थांत मिक्स करु शकता.

Share this Story:

Follow Webdunia marathi

पुढील लेख

तू - मी अन पाऊस