Select Your Language

Notifications

webdunia
webdunia
webdunia
webdunia

अखेर कमाई

kusumagraj
मध्यरात्र उलटल्यावर
शहरातील पाच पुतळे
एका चौथऱ्यावर बसले
आणि टिपं गाळू लागले .
 
ज्योतिबा म्हणाले ,शेवटी मी झालो
फ़क्त माळ्यांचा.
 
शिवाजीराजे म्हणाले ,
मी फ़क्त मराठ़्यांचा.
 
आंबेडकर म्हणाले ,
मी फ़क्त बौद्धांचा.
 
टिळक उद़्गारले ,
मी तर फ़क्त
चित्पावन ब्राम्हणांचा.
 
गांधींनी गळ्यातला गहिवर आवरला
आणि ते म्हणाले ,
तरी तुम्ही भाग्यवान.
एकेक जातजमात तरी
तुमच्या पाठीशी आहे.
माझ्या पाठीशी मात्र
फ़क्त सरकारी कचेऱ्यातील भिंती !
 
- कुसुमाग्रज

Share this Story:

Follow Webdunia marathi

पुढील लेख

WCL Recruitment 2023 :वेस्टर्न कोलफिल्ड लिमिटेड मध्ये 135 जागांसाठी अर्ज प्रक्रिया सुरु