पालघर येथे मुंबई पोलिसांच्या एका 47 वर्षीय कॉन्स्टेबलने राहत्या घरी गळफास घेऊन आत्महत्या केल्याची घटना घडली आहे.कैलास टेकाडे असे या मयत कॉन्स्टेबलचे नाव असून ते एकटेच राहत होते. विरारच्या राहत्या घरी त्यांनी आत्महत्या केली. दोन दिवसांपूर्वी त्यांनी आत्महत्या केल्याचा संशय व्यक्त केला जात आहे.
गेल्या तीन दिवसांपासून त्यांच्या भावाने त्यांच्याशी संपर्क केल्याच्या प्रयत्न केला असून त्यांना काहीच प्रतिसाद मिळाला नाही. भावाने त्याच्या मित्राला घरी जाण्यास सांगितले.मित्र घरी पोहोचल्यावर घराचा दरवाजा बाहेरून बंद दिसला. मित्राने अर्नाळा सागरी पोलिसांना माहिती दिली.
पोलिसांनी घटनास्थळ गाठले आणि दरवाजा तोडला. त्यांना टेकाडे छताला लटकलेल्या अवस्थेत दिसले. पोलिसांनी मृतदेह ताब्यात घेऊन शवविच्छेदनासाठी पाठविले. पोलिसांनी या प्रकरणी एफआयआर दाखल केला आहे. पोलीस प्रकरणाचा तपास करत आहे. त्यांनी आत्महत्या का केली अद्याप कळू शकले नाही .या घटनेमुळे परिसरात खळबळ उडाली आहे.
