महाराष्ट्र विधानसभा निवडणुकीच्या तारखांची घोषणा पुढील महिन्यात होण्याची शक्यता आहे. यासोबतच सत्तारूढ शिवसेना, भाजप आणि एनसीपीच्या महायुतीने सत्तामध्ये परताव्याची तयारी सुरू केली आहे. आगामी निवडणुकीची रणनीती आखण्यासाठी अमित शाह मुंबईमध्ये रविवारी संध्याकाळी दाखल झाले.
मिळालेल्या माहितीनुसार भाजपचे वरिष्ठ नेता अमित शाह यांनी महाराष्ट्राचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस व अजित पवार यांच्यासोबत रविवारी रात्री उशिरापर्यंत बैठक घेतली.
महाराष्ट्र दोन दिवसीय दौऱ्यावर आलेले शाह यांनी ‘सहयाद्री’ राजकीय अतिथिगृह मध्ये शिंदे, फडणवीस आणि पवार यांची बैठक घेतली. महाराष्ट्रात विधानसभा निवडणूक आक्टोंबर आणि नोव्हेंबरमध्ये होण्याची शक्यता आहे.
मिळालेल्या माहितीनुसार या बैठकीमध्ये विधानसभा निवडणुकीपूर्वी विभिन्न सरकारी योजनांना घेऊन लोकांच्या प्रतिक्रियांवर चर्चा करण्यात आली. तसेच, अमित शहा यांनी राज्यातील भाजप नेत्यांची स्वतंत्र बैठक घेतली. यावेळी शहा यांनी पक्षश्रेष्ठींना सार्वजनिक वाद टाळण्याचा आणि जनतेसमोर एकसंघ प्रतिमा राखण्याचा सल्ला दिला. यावेळी शहा यांनी असेही सांगितले की, भाजपच्या काही आमदारांची कामगिरी समाधानकारक नाही आणि त्यानुसारच जागांबाबत निर्णय घेतला जाईल. या बैठकीत देवेंद्र फडणवीस, चंद्रशेखर बावनकुळे, आशिष शेलार, पंकजा मुंडे, गिरीश महाजन यांच्यासह राज्यातील भाजपचे मोठे नेते उपस्थित होते. अमित शाह यांनी मुंबईतील प्रसिद्ध गणपती लालबागच्या राजाचंही दर्शन घेतलं.
