महाराष्ट्राचे अल्पसंख्यांक मंत्री नवाब मलिक यांच्यावर गुन्हेगारी विश्वाशी आर्थिक व्यवहार केल्याच्या आरोपांनंतर भाजपनं आता आपला मोर्चा शिवसेनेकडे वळवला आहे.
भाजपचे नेते आणि माजी खासदार निलेश राणेंनी ट्विटरवर फोटो शेअर करत शिवसेनेवर टीका केलीय.
निलेश राणेंच्या दाव्यानुसार, या फोटोत मुंबईच्या महापौर किशोरी पेडणेकरांसोबत अंडरवर्ल्ड डॉन दाऊद इब्राहिमचा भाचा अली शाह पारकर आहे.
या ट्वीटमध्ये निलेश राणे म्हणालेत, "दाऊद जेवढा पाकिस्तानमध्ये सक्रीय नसेल, त्यापेक्षा अधिक महाविकास आघाडीत सक्रीय दिसतोय."
आता यावर किशोरी पेडणेकरांकडून काय स्पष्टीकरण किंवा उत्तर येतं, हे पाहणं महत्वाचं ठरेल.
