Select Your Language

Notifications

webdunia
webdunia
webdunia
webdunia

वाचा, करुणा शर्मा यांच्याबाबत धनंजय मुंडे यांचे असे आहे स्पष्टीकरण

वाचा, करुणा शर्मा यांच्याबाबत धनंजय मुंडे यांचे असे आहे स्पष्टीकरण
, गुरूवार, 4 फेब्रुवारी 2021 (07:45 IST)
धनंजय मुंडे यांची दुसरी पत्नी करुणा यांनी मुंबई पोलीस आयुक्तांकड़े मुंडे विरोधात तक्रार केली आहे. त्यावर मुंडे यांनी स्पष्टीकरण केलं आहे. त्यात ते सांगतात, श्रीमती करुणा शर्मा यांचे बाबतीत मी पुर्वीच खुलासा केला आहे. त्यांच्यासोबत असलेल्या विवादात मी स्वतःहून उच्य न्यायालयात याचिका दाखल केली असुन त्याबाबतीत सदर खुलाशात सविस्तर नमुद केले आहे. सदर याचिकेत  उच्य न्यायालयाने श्रीमती करुणा शर्मा याना मनाई आदेशही दिला आहे ( इंजंक्शन ). त्यानंतर विवादावर तोडगा काढण्यासाठी दोघांनी सहमतीने मेडिएटर नेमण्याची विनंती केल्यावरून मा उच्य न्यायालयाने मा मद्रास उच्य न्यायालयाच्या निवृत्त मुख्य न्यायाधीश मा श्रीमती ताहिलरामानी यांची मेडिएटर म्हणुन नियुक्तीसुद्धा केली आहे.
 
सदर मेडिएशन च्या दोन बैठक झालेल्या असुन दिनांक 13 फेब्रुवारी 2021 रोजी पुढील बैठक निश्चित झालेली आहे. या मेडिएशन मध्ये मुलांच्या संदर्भातील सर्व विवादांसह इतर सर्व सर्व मुद्दे चर्चेत व निर्णयार्थ आहेत. असे असताना आणि सहमतीने मा उच्य न्यायालयाच्या आदेशानुसार अतिवरिष्ठ न्यायिक अधिकाऱ्यांसमोर मेडिएशनची प्रक्रिया सुरु असताना अश्याप्रकारे मुलांच्या ताब्यावरून तक्रार करणे हेतूबद्दल शंका निर्माण करणारे आहे.
 
मुळात जो मुद्दा मेडिएशनमध्ये चर्चेत आहे त्याबद्दल जाहीर मागणी करणे म्हणजे श्रीमती करुणा शर्मा याना न्यायिक प्रक्रियेत काहीही रस नसुन निव्वळ मीडिया ट्रायल चालवून बदनामी करणे हाच हेतु दिसुन येतो. कृपया सदर बाब हि न्यायप्रविष्ठ असुन न्यायालयीन प्रक्रियेअंती जो निर्णय होईल तो सर्वांवर बंधनकारकच असणारच आहे. यामुळे याप्रकरणात निव्वळ बदनामी करण्याच्या हेतुने करण्यात येत असलेल्या अश्या आरोपांत काहीही तथ्य नाही.

Share this Story:

Follow Webdunia marathi

पुढील लेख

राज्यात २,९९२ नवीन कोरोना रुग्णांची नोंद