Bareilly news : बरेलीच्या भोजीपुरा पोलीस स्टेशन परिसरात गुरुवारी सकाळी धुक्यामुळे एक मोठी दुर्घटना घडली. नैनिताल महामार्गावरील जदौनपूर गावाजवळ दाट धुक्यामुळे सात वाहने एकमेकांवर आदळली. या अपघातात खासगी वैद्यकीय महाविद्यालयाच्या विद्यार्थ्यांसह 26 जण जखमी झाले आहे.
मिळालेल्या माहितीनुसार पोलिसांनी जखमींना उपचारासाठी रुग्णालयात पाठवले, त्यापैकी तिघांची प्रकृती चिंताजनक असल्याचे सांगण्यात येत आहे. अपघातानंतर महामार्गावर बराच काळ ट्राफिक जमा झाला होता.
सकाळी आठच्या सुमारास हा अपघात झाला असून शहरात धुके नसले तरी ग्रामीण भागात दाट धुके होते. आधी एक कार मागून येणाऱ्या दुसऱ्या वाहनाला धडकली, त्यानंतर आणखी अनेक वाहने एकमेकांवर आदळली. या अपघातात खासगी वैद्यकीय महाविद्यालयाच्या बसचाही समावेश आहे.
Edited By- Dhanashri Naik
