जम्मू काश्मीरमधील पहलगाम येथे सुरक्षा यंत्रणांनी हिजबूल मुजाहिदीन या दहशतवादी संघटनेच्या तीन दहशतवाद्यांचा खात्मा केला आहे. या दहशतवाद्यांकडून तीन एके ४७ रायफल्सही हस्तगत करण्यात आल्या असून परिसरात सैन्यातर्फे अजूनही शोधमोहीम सुरु आहे.
पहलगाममध्ये दहशतवादी लपल्याची माहिती सुरक्षा यंत्रणांना मिळाली होती. सैन्य आणि पोलिसांच्या संयुक्त पथकाने या परिसराला वेढा घालून शोधमोहीम राबवली.
