सीआरपीएफ जवानाने आपल्या दोन सहकाऱ्यांची हत्या केली नंतर आत्महत्या केली

Manipur News: मणिपूरमध्ये एका सीआरपीएफ जवानाने स्वतःच्याच छावणीत अंदाधुंद गोळीबार केला. तसेच या गोळीबारात हल्लेखोरासह तीन सैनिक ठार झाले आणि आठ जण जखमी झाले. सीआरपीएफचे अधिकारी छावणीत पोहोचले आहे आणि तपासात गुंतले आहे.  

मिळालेल्या माहितीनुसार गुरुवारी मणिपूरमध्ये एका केंद्रीय राखीव पोलिस दलाच्या (सीआरपीएफ) जवानाने गोळीबार केला, त्यात त्याचे दोन सहकारी ठार झाले आणि आठ जण जखमी झाले. यानंतर सैनिकाने स्वतःवरही गोळी झाडली.  सूत्रांनी सांगितले की, ही घटना रात्री इम्फाळ पश्चिम जिल्ह्यातील लामफेल येथील सीआरपीएफ कॅम्पमध्ये घडली. सैनिकाने स्वतःच्या कॅम्पमध्ये अंदाधुंद गोळीबार केला.

आरोपी हवालदार संजय कुमारने त्याच्या बंदुकीतून गोळीबार केला, ज्यामध्ये एक कॉन्स्टेबल आणि एक सब-इन्स्पेक्टर जागीच ठार झाले. यानंतर कुमारने स्वतःवरही गोळी झाडली. त्याला रुग्णालयात नेण्यात आले, जिथे डॉक्टरांनी त्याला मृत घोषित केले. सूत्रांनी दिलेल्या माहितीनुसार या घटनेमागील कारणांचा शोध घेतला जात आहे.

Edited By- Dhanashri Naik