नोएडातील सेक्टर-62 मध्ये एका मोठ्या बिल्डरच्या बांधकामाधीन इमारतीत शुक्रवारी मोठी दुर्घटना टळली. इमारतीच्या काचा साफ करत असताना अचानक साफसफाईच्या ट्रॉलीची दोरी तुटल्याने दोन कामगारांचा जीव धोक्यात आला आणि दोन्ही कामगार हवेत लटकले. या घटनेचा व्हिडिओ सोशल मीडियावर मोठ्या प्रमाणात व्हायरल होत आहे.
मिळालेल्या माहितीनुसार, घटनेच्या वेळी कामगार कोणत्याही सुरक्षा उपकरणाशिवाय उंचीवर काम करत होते. ट्रॉलीच्या एका बाजूची दोरी तुटताच ट्रॉली असंतुलित होऊन कामगार त्यात लटकत असल्याचे व्हिडिओमध्ये स्पष्टपणे दिसत आहे. सुदैवाने त्याने स्वत:ला ट्रॉलीला बांधले होते, त्यामुळे त्याचा जीव वाचला.
घटनेच्या वेळी इमारतीच्या टेरेसवर इतर कमगारांनी आरडाओरडा ऐकल्यावर त्यांना तातडीनं मदत केली आणि दोरी ओढत त्यांना वर घेतले. सुदैवाने ते थोडक्यात बचावले.
अपघाताच्या वेळी कामगारांनी कोणतेही सुरक्षा उपकरणे परिधान केली नव्हती.या अपघातामुळे कामगारांच्या सुरक्षेवर पुन्हा एकदा प्रश्नचिन्ह निर्माण झाला आहे.
गेल्या वर्षीही बांधकामाच्या ठिकाणी सर्व्हिस लिफ्ट कोसळून अनेक कामगारांचा मृत्यू झाला होता. अशा स्थितीत उंचीवर काम करणाऱ्या कामगारांनी सुरक्षा उपकरणे वापरणे गरजेचे आहे, मात्र या सुरक्षेच्या उपाययोजनांकडे कंपन्यांकडून दुर्लक्ष केले जात असल्याचे या घटनेवरून स्पष्ट होत आहे.
