अमित शाह गुरुवारी दहशतवादविरोधी परिषदेला संबोधित करणार

NIA द्वारे आयोजित दोन दिवसीय परिषदेत वरिष्ठ पोलिस अधिकारी, केंद्रीय एजन्सी अधिकारी, कायदा, न्यायवैद्यकशास्त्र आणि तंत्रज्ञानातील तज्ञ दहशतवादाचा सामना करण्यासाठी कायदेशीर चौकट, खटला चालवण्याची आव्हाने आणि उदयोन्मुख तंत्रज्ञानाची भूमिका यासारख्या महत्त्वाच्या मुद्द्यांवर चर्चा करण्यासाठी एकत्र येतील. तसेच या चर्चेत आंतरराष्ट्रीय कायदेशीर सहकार्य आणि भारतभर कार्यरत असलेल्या दहशतवादी नेटवर्कचा नायनाट करण्यासाठी धोरणांचाही समावेश असेल.

मिळालेल्या माहितीनुसार गृह मंत्रालयाने म्हटले आहे की 'काउंटर टेररिझम कन्व्हेन्शन-2024' चा मुख्य फोकस 'संपूर्ण सरकारी दृष्टिकोन' च्या भावनेने दहशतवादाच्या धोक्याविरूद्ध समन्वित कारवाईसाठी चॅनेल स्थापन करून विविध भागधारकांमध्ये समन्वय विकसित करणे आहे.  तसेच भविष्यातील धोरण ठरवण्यासाठी महत्त्वाची माहिती सादर करण्याचाही या बैठकीत उद्देश आहे.  

या परिषदेला राज्ये आणि केंद्रशासित प्रदेशातील वरिष्ठ पोलीस अधिकारी, केंद्रीय एजन्सीचे अधिकारी आणि दहशतवादविरोधी मुद्द्यांवर काम करणाऱ्या विभागांचे अधिकारी आणि कायदा, न्यायवैद्यकशास्त्र आणि तंत्रज्ञान यासारख्या संबंधित क्षेत्रातील तज्ञ उपस्थित राहणार आहे.