Marathi Biodata Maker

Select Your Language

Notifications

webdunia
webdunia
webdunia
Friday, 2 May 2025
webdunia

5 पैशांचे नाणे आणा आणि पोटभर बिर्याणी खा, भन्नाट ऑफर पडली महागात

Bring a coin of 5 paise and eat a full biryani
, गुरूवार, 22 जुलै 2021 (16:42 IST)
एका हॉटेल हॉटेल मालकाला सुचलेली एक भन्नाट आयडिया महागात पडली. 5 पैशांचे नाणे घेऊन येईल त्याला बिर्याणी दिली जाईल. पण त्याची ही आयडीया त्याच्या चांगलीच अंगलट आली.
 
तामिळनाडुतल्या चेन्नईमध्ये एका व्यक्तीने सुकन्या बिर्याणी हॉटेलची सुरुवात केली. मग आपल्या हॉटेलच्या जाहीरातीसाठी हॉटेल मालकाने एक भन्नाट ऑफर दिली. जो 5 पैशांचे नाणे घेऊन येईल त्याला बिर्याणी दिली जाईल. पण त्याची ही आयडीया त्याच्या चांगलीच अंगलट आली. हॉटेल मालकाला कदाचित याची कल्पना आली नाही की त्याच्या या ऑफरमुळे काय गोंधळ उडणार आहे.
 
बिर्याणीचे हॉटेल चेन्नईच्या सेल्लू भागात असून पाच पैशांत बिर्याणी मिळणार अशी बातमी पसरल्यावर लोकांनी आजूबाचूला मागून नाणी एकत्र केल्या आणि या मुळे एवढी गर्दी गोळा झाली की रांग काही कमी होयच नाव घेईना. हॉटेलबाहेर 5 पैशात बिर्याणी खाण्यासाठी भलीमोठी रांग लागली. हातात 5 पैशाचं नाणे घेऊन अनेक जण हॉटेलमध्ये आले. एक वेळ तर अशी आली की हॉटेलबाहेर 300 लोकं रांगेत उभे होते. गर्दीमुळे एकच गोंधळ उडाला आणि अखेर गोंधळामुळे हॉटेलमालकाला शटर खाली करावं लागलं.
 
5 पैशात बिर्याणी खाण्याच्या नादात लोकं कोरोना अजून आहे हेच विसरले. लोकांना मास्कचाही विसर पडला, सोशल डिस्टिन्सिंगचा तर फज्जाच उडाला. फक्त हातात 5 पैशांचं नाणं घेऊन लोक उभे होते. गर्दी आवाक्याबाहेर गेल्यावर अखेर पोलिसांना बोलावण्यात आलं. पोलिसांनी लोकांना कोरोना नियमांचं पालन करण्याचं आवाहन केलं. काहीनी 5 पैशांचे नाणे देऊनही बिर्याणी न मिळाल्याची तक्रार बंदोबस्तासाठी आलेल्या पोलिसांकडे केली.

Share this Story:

Follow Webdunia marathi

पुढील लेख

जळगाव शहरात भटक्या कुत्र्यांचा धुमाकूळ ; एकाच दिवसात घेतला ८ जणांना चावा