मधुमेह, हृदय, यकृत अशा अनेक आजारांवर उपचार करण्यासाठी वापरण्यात येणारी औषधे आता स्वस्त दरात उपलब्ध होणार आहेत. सरकारने 41 औषधे आणि सहा फॉर्म्युलेशनच्या किमती कमी करण्याचा निर्णय घेतला आहे.
नॅशनल फार्मास्युटिकल प्राइसिंग अथॉरिटी ऑफ इंडिया (NPPA) च्या बैठकीत हा निर्णय घेण्यात आला.
याबाबत राजपत्रात अधिसूचना जारी करण्यात आली. ही माहिती डीलर्स आणि स्टॉकिस्ट यांना तातडीने देण्याच्या सूचना कंपन्यांना देण्यात आल्या आहेत.यामध्ये साखर, वेदना, हृदय, यकृत, संसर्ग, ऍलर्जी सोबत मल्टीविटामिन, अँटासिड्स आणि प्रतिजैविकांचा समावेश आहे.औषध कंपन्या ग्राहकांकडून औषधाच्या किमतीव्यतिरिक्त फक्त जीएसटी वसूल करू शकतात, असे निर्देशांमध्ये म्हटले आहे.
याशिवाय अनेकांना ॲलर्जी, इन्फेक्शन, शुगर, हृदय, यकृत आदी समस्यांनी ग्रासले आहे. या आजारांवर उपचार करण्यासाठी वापरण्यात येणारी औषधे खूप महाग आहेत. त्यांच्या वाढत्या किमतींवर नियंत्रण ठेवण्यासाठी सरकारने 41 औषधांच्या किमती निश्चित केल्या आहेत. त्यामुळे सर्वसामान्यांना दिलासा मिळणार आहे.
या वर्षी फेब्रुवारीमध्येही 69 औषधांच्या किमती कमी करण्यात आल्या होत्या. याशिवाय 31 फॉर्म्युलेशन असलेल्या औषधांच्या किमतीही निश्चित करण्यात आल्या आहेत. NPPA ही सरकारी नियामक संस्था आहे, जी फार्मास्युटिकल औषधांच्या किमती नियंत्रित करते.
