Yamunotri Bus Accident Updates: मध्य प्रदेशचे मुख्यमंत्री शिवराज चौहान डेहराडूनला पोहोचले. त्यांनी उत्तरकाशी बस दुर्घटनेतील मृतांच्या कुटुंबीयांना प्रत्येकी 5 लाख रुपये आणि जखमींना प्रत्येकी 50 हजार रुपयांची मदत जाहीर केली आहे. मुख्यमंत्री शिवराज सिंह चौहान म्हणाले की, मी डेहराडूनच्या आपत्ती नियंत्रण कक्षात आहे. मी घटनास्थळावरून संपूर्ण माहिती घेतली आहे. घटनास्थळी जिल्हा दंडाधिकारी, एसपी, डीआयजी, एनडीआरएफ आणि एसडीआरएफचे पथक उपस्थित आहेत. बस अपघातातील दोन जणांचा अद्याप शोध लागलेला नाही. तीन जखमींवर डेहराडूनच्या मॅक्स हॉस्पिटलमध्ये उपचार सुरू आहेत. मुख्यमंत्री शिवराज सिंह चौहान यांनीही अपघातातील जखमी प्रवाशांची भेट घेतली. त्याचवेळी हवाई दलाच्या विमानाने मृतांचे मृतदेह मध्य प्रदेशला पाठवण्यात येणार आहेत.
