Amit Shah News: केंद्रीय गृहमंत्री अमित शहा यांनी शुक्रवारी दिल्ली पोलिसांना बांगलादेशी आणि रोहिंग्या घुसखोरांबाबत कडक आदेश दिले. भारतात प्रवेश करण्यास मदत करणाऱ्या नेटवर्कवर कठोर कारवाई करण्याचे निर्देश शाह यांनी दिले. ते म्हणाले की हा राष्ट्रीय सुरक्षेचा मुद्दा आहे आणि त्यावर कडक कारवाई केली पाहिजे.
मिळालेल्या माहितीनुसार राष्ट्रीय राजधानीतील कायदा आणि सुव्यवस्थेच्या परिस्थितीचा आढावा घेण्यासाठी आयोजित बैठकीचे अध्यक्षपद भूषवताना, शाह म्हणाले की, सातत्याने खराब कामगिरी करणाऱ्या पोलिस आणि उपविभागांवरही कठोर कारवाई केली पाहिजे. शहा म्हणाले की, शहरातील आंतरराज्यीय टोळ्यांचा कडकपणे नायनाट करणे ही दिल्ली पोलिसांची प्राथमिकता असली पाहिजे. ते म्हणाले की, ड्रग्ज प्रकरणांमध्ये "वरपासून खालपर्यंत आणि खालपासून वरपर्यंत" कारवाई केली पाहिजे आणि अशा ड्रग्ज नेटवर्क्सना उध्वस्त केले पाहिजे.
केंद्रीय गृहमंत्र्यांनी बैठकीत सांगितले की, "बांगलादेशी आणि रोहिंग्या घुसखोरांना देशात प्रवेश करण्यास, त्यांची कागदपत्रे बनवण्यास आणि येथे राहण्यास मदत करणाऱ्या संपूर्ण नेटवर्कवर कठोर कारवाई केली पाहिजे." घुसखोरांचा मुद्दा राष्ट्रीय सुरक्षेशी देखील संबंधित आहे आणि त्यावर कडक कारवाई केली पाहिजे. त्यांना ओळखून हद्दपार केले पाहिजे." दिल्लीच्या मुख्यमंत्री रेखा गुप्ता, दिल्लीचे गृहमंत्री आशिष सूद, दिल्लीचे पोलिस आयुक्त संजय अरोरा आणि इतर वरिष्ठ अधिकारी देखील बैठकीला उपस्थित होते.
