Earthquake in Delhi : दिल्ली-एनसीआरमध्ये भूकंपाचे जोरदार धक्के जाणवले. मंगळवारी दुपारी 2.51 वाजता झालेल्या भूकंपानंतर लोक घाबरून कार्यालये आणि घराबाहेर धावले. नॅशनल सेंटर फॉर सिस्मॉलॉजीनुसार, भूकंपाची तीव्रता 6.2 एवढी होती. ज्याचे केंद्र नेपाळमध्ये जमिनीपासून पाच किलोमीटर खोल होते. उत्तर प्रदेश आणि दिल्लीसह अनेक राज्यांमध्ये भूकंपाचे धक्के जाणवले.
या पूर्वी दुपारी 2:25 वाजता भूकंपाचे धक्के जाणवले होते. त्याचे केंद्रही नेपाळ होते. त्यावेळी त्याची तीव्रता 4.6 इतकी मोजली गेली होती. याचे धक्के उत्तराखंड आणि उत्तर प्रदेशात जाणवले. अचानक पृथ्वी हादरल्याने लोक घाबरले.भूकंपाचे जोरदार धक्के पाहून लोक घरातून आणि कार्यालयातून बाहेर आले.
श्रावस्ती मध्ये 2:51 वाजेच्या सुमारास भूकंपाचे धक्के जाणवले आहेत. दोनदा जोरदार धक्के जाणवले. भूकंपाची तीव्रता 4.6 इतकी होती. उत्तर भारतातील अनेक राज्यांमध्ये भूकंपाचे धक्के जाणवले. दिल्लीशिवाय गाझियाबाद, नोएडा आणि फरीदाबादमध्येही भूकंपाचे धक्के जाणवले.अद्याप कोणतीही अप्रिय बातमी समोर आलेली नाही
रिश्टर स्केल म्हणजे काय?
अमेरिकन भूगर्भशास्त्रज्ञ चार्ल्स एफ. रिश्टर यांनी 1935 मध्ये एका उपकरणाचा शोध लावला जो पृथ्वीच्या पृष्ठभागावर उठणाऱ्या भूकंपाच्या लहरींचा वेग मोजू शकतो. या उपकरणाद्वारे भूकंपाच्या लहरींचे डेटामध्ये रूपांतर करता येते. रिश्टर स्केल सामान्यतः लॉगरिदमनुसार कार्य करते. यानुसार, पूर्ण संख्या त्याच्या मूळ अर्थाच्या 10 पटीने व्यक्त केली जाते.
भूकंप का होतात?
पृथ्वीच्या आत 7 प्लेट्स आहेत, ज्या सतत फिरत असतात. ज्या भागात या प्लेट्स आदळतात त्याला फॉल्ट लाइन म्हणतात. प्लेट्सचे कोपरे वारंवार टक्कर झाल्यामुळे वाकतात. जेव्हा जास्त दाब तयार होतो, तेव्हा प्लेट्स तुटू लागतात. खालील उर्जा बाहेर पडण्याचा मार्ग शोधते आणि गडबड झाल्यानंतर भूकंप होतो.
