गँगस्टर रामनारायण गुप्ता उर्फ लखन भैय्या याच्या 2006 च्या बनावट चकमक प्रकरणात मुंबईचे माजी पोलीस अधिकारी प्रदीप शर्मा यांना सर्वोच्च न्यायालयाने दिलासा दिला आहे. जन्मठेपेची शिक्षा झालेल्या माजी पोलीस अधिकाऱ्याला न्यायालयाने जामीन मंजूर केला आहे.
न्यायमूर्ती हृषिकेश रॉय आणि न्यायमूर्ती प्रशांत कुमार मिश्रा यांच्या खंडपीठासमोर या प्रकरणाची सुनावणी झाली. शर्मा यांना जामीन देण्यास सरकारचा कोणताही आक्षेप नाही.असे न्यायालयात महाराष्ट्र सरकारच्या वतीने उपस्थित असलेल्या वकिलांनी सांगितले. या युक्तिवादाची दखल घेत सर्वोच्च न्यायालयाने मुंबईच्या माजी पोलीस अधिकाऱ्याला जामीन मंजूर केला.
वरिष्ठ वकील मुकुल रोहतगी आणि सिद्धार्थ लुथरा शर्मा माजी पोलीस अधिकारी प्रदीप शर्मा यांच्या वतीने सर्वोच्च न्यायालयात हजर झाले होते.
प्रदीप शर्मा यांनी यापूर्वी 19 मार्च रोजी मुंबई उच्च न्यायालयाच्या निर्णयाविरोधात सर्वोच्च न्यायालयात अपील दाखल केले होते, ते न्यायालयाने मान्य केले होते.
11 नोव्हेंबर 2006 रोजी पोलिसांच्या पथकाने रामनारायण गुप्ता उर्फ लखन भैया आणि त्याचा मित्र अनिल भेडा यांना नवी मुंबईतील वाशी परिसरातून ताब्यात घेतले होते. त्याच दिवशी पश्चिम मुंबईतील वर्सोवाजवळ रामनारायण गुप्ता यांची बनावट चकमकीत हत्या करण्यात आली. यानंतर या प्रकरणाची सत्र न्यायालयात सुनावणी झाली. 2013 मध्ये सत्र न्यायालयाने 21 आरोपींना दोषी ठरवून जन्मठेपेची शिक्षा सुनावली होती. यादरम्यान शर्मा यांची पुराव्याअभावी निर्दोष मुक्तता करण्यात आली.
