मध्यप्रदेशात भीषण अपघात, वैष्णोदेवीहून परतणाऱ्या 4 जणांचा मृत्यू, 6 गंभीर जखमी

मध्य प्रदेशातील विदिशा येथे वैष्णो देवीचे दर्शन घेऊन बाबा बागेश्वर धाममार्गे राजस्थानमधील झालावाडला परतणाऱ्या भाविकांनी भरलेल्या कारला भीषण अपघात झाला आहे. मिळालेल्या माहितीनुसार ही धडक एवढी भीषण होती की, 4 जणांचा जागीच मृत्यू झाला. तर 6 जण गंभीर जखमी झाले आहेत. तसेच जखमींना उपचारासाठी  रुग्णालयात दाखल करण्यात आले आहे.   

अपघातात बळी पडलेले सर्व भाविक राजस्थानमधील झालावाड येथील रहिवासी असल्याचे सांगण्यात येत आहे. हा अपघात जिल्ह्यातील लाटेरी पेट्रोल पंपाजवळ झाल्याचे सांगण्यात येत आहे. तसेच शनिवारी पहाटे  वैष्णोदेवीचे दर्शन करून परतणाऱ्या भाविकांनी भरलेली कार चालत्या ट्रकला धडकली. ही धडक इतकी जोरदार होती की, अपघातात कारचा चक्काचूर झाला. त्याचवेळी चार भाविकांचा जागीच मृत्यू झाला. या भाविकांमध्ये 7 महिलांसह 10 जणांचा सहभाग आहे.