झारखंडच्या पश्चिम सिंहभूम जिल्ह्यातील एक धक्कादायक व्हिडिओ सोशल मीडियावर मोठ्या प्रमाणात व्हायरल होत आहे. व्हिडिओमध्ये 4 मुले चालत्या मालगाडीच्या चाकांमध्येच प्रवास करत आहेत.
हा व्हिडिओ पाहून सोशल मीडियावर सगळेच आश्चर्यचकित झाले आहेत. हा व्हिडिओ रेल्वे कर्मचाऱ्यांनीच बनवला असल्याचे बोलले जात आहे. जाणून घेऊया काय आहे हे संपूर्ण प्रकरण?
मीडिया रिपोर्ट्सनुसार, व्हायरल होत असलेला व्हिडिओ चक्रधरपूर रेल्वे विभागातील खाणबहुल क्षेत्र असलेल्या किरीबुरू पोलीस स्टेशन परिसरातील आहे. जिथे एका रेल्वे कर्मचाऱ्याने 4 मुले चालत्या मालगाडीच्या चाकातून प्रवास करत असल्याचे पाहिले. यादरम्यान त्याने फोनवर व्हिडिओ बनवला. त्यानंतर रेल्वे विभागाला याबाबत माहिती देण्यात आली. रेल्वे विभागाने तातडीने कारवाई करत मालगाडी थांबवून मुलांना बाहेर काढले.
अधिकाऱ्यांनी मुलांना खडसावले
मालगाडीच्या चाकाखाली प्रवास करणाऱ्या मुलांना अधिकाऱ्यांनी खडसावले. अशी घटना पुन्हा घडू नये, असे अधिकाऱ्यांनी सांगितले. यासोबतच अशा परिस्थितीत जीवही जाऊ शकतो, असेही ते म्हणाले. त्याचबरोबर हा व्हिडिओ सोशल मीडियावर आल्यानंतर लोक विविध प्रकारे कमेंट करत आहेत. काही लोकांनी मुलांबद्दल चिंता व्यक्त केली आहे, तर काही लोकांनी अशा मुलांच्या पालकांना आधी धडा शिकवायला हवा असं म्हटलं आहे.
या मालगाडीचा वापर SAIL च्या किरीबुरु किंवा मेघाहातुबुरु खाणीतून लोह खनिज वाहतूक करण्यासाठी केला जात होता. यावेळी चारही मुले आत शिरली आणि बसली असावी.
