अल्पवयीन मतिमंद मुलीवर बलात्कार

नांदगाव तालुक्यातील कासारी येथील १५ वर्षीय अल्पवयीन मतिमंद मुलीवर बलात्कार झाला आहे. सचिन विश्वास इप्पर (२३) याने घरात कोणीही  नसल्याचा फायदा घेऊन बलात्कार केल्याची फिर्याद पीडित मुलीच्या आईने नांदगाव पोलिसात दिली आहे.

पीडित मुलगी लहान भावासह घराच्या ओट्यावर बसलेली असताना सचिन इप्पर हा तिच्या घरासमोर गेला. त्याने तिच्याशी अश्लील हावभाव करून तिचा हात पकडत घरामध्ये ओढून नेत तिच्यावर बलात्कार केला. ओट्यावर बसलेल्या पीडितेचा लहान भाऊ रडत असल्याचे पाहून शेजारीच रहात असलेल्या पीडितेच्या चुलत आत्याने त्या पीडितेस आवाज दिला. मात्र सचिन हा घरातून पळाला. पीडित मुलीचे आई वडील कामावरून घरी आले असता मुलीने हा प्रकार सांगितला. त्यानंतर पोलिसात सचिन इप्पर याच्याविरोधात फिर्याद दाखल  केली. पोलिसांनी या घटनेतील संशयीत आरोपी सचिन इप्पर याच्या विरोधात गुन्हा दाखल केला आहे.