त्रिपुरा विधानसभेत तृणमूल काँग्रेसचे आमदार आणि माजी विरोधी पक्षनेते सुदीप रॉय बर्मन यांनी विधानसभा अध्यक्षांचा राजदंड घेऊन सदनाबाहेर पळ काढला. यावेळी सदनाच्या मार्शल्सनी पकडण्याआधीच सुदीप रॉय सभागृहाबाहेर गेले होते. त्रिपुराचे वन आणि ग्रामीण विकासमंत्री नरेश जमातिया यांच्यावर सेक्स स्कॅण्डलशी संबंध असल्याचा आरोप झाला होता. यावर आमदार सुदीप बर्मन यांनी चर्चेची मागणी केली होती. परंतु विधानसभा अध्यक्षांनी चर्चा करण्यास नकार दिल्याने सुदीप बर्मन त्याचा विरोध करत होते. दरम्यान, त्रिपुरा विधानसभेत असा प्रकार घडण्याची ही पहिलीच वेळ नाही. याआधी पाच वेळा त्रिपुरा विधानसभा अध्यक्षांनी त्यांचं अधिकार चिन्ह गमावलं होतं.
