उन्नाव जिल्ह्यात बुधवारी सकाळी बस आणि टँकरमध्ये भीषण अपघात झाला. मिळालेल्या माहितीनुसार, लखनौ-आग्रा एक्स्प्रेसवे वर बिहारमधील शिवगढहून दिल्लीकडे जाणाऱ्या स्लीपर बसची बेहता मुजावर पोलीस स्टेशन हद्दीतील हवाई पट्टीवर एका टँकरला धडक बसली.
ही धडक एवढी जोरदार होती की बस आणि टँकर दोघांचेही चक्काचूर झाले. या अपघातात दोन महिला आणि एका बालकासह 18 जणांचा मृत्यू झाला. त्याचबरोबर सुमारे 20 जण गंभीर जखमी झाले आहेत. माहिती मिळताच पोलीस दाखल झाले असून ते मदतकार्यात गुंतले आहेत. जखमींना रुग्णालयात नेण्यात येत आहे.
स्लीपर बसचे नियंत्रण सुटून टँकरला धडकल्याने हा अपघात झाल्याचे प्रत्यक्षदर्शींनी सांगितले. हा अपघात एवढा भीषण होता की घटनास्थळी उपस्थित असलेले लोक ते पाहून घाबरले आणि त्यांनी तत्काळ पोलिसांना माहिती दिली. माहिती मिळताच पोलिसांनी घटनास्थळी पोहोचून बचावकार्य सुरू केले असून उन्नावचे वरिष्ठ अधिकारीही घटनास्थळी पोहोचले आहेत.
लखनौ-आग्रा एक्स्प्रेस वेवर बेहता मुजावर पोलीस स्टेशन हद्दीतील गधा गावासमोर अपघात झाला आहे . घटनेनंतर जखमींना रुग्णालयात दाखल करण्यात आले असून, त्यांच्यावर उपचार सुरू आहेत.
