उत्तराखंडमध्ये आज एक मोठी दुर्घटना घडली. दुपारी बाराच्या सुमारास केदारनाथ धाममध्ये हेलिकॉप्टर कोसळले. केदारनाथच्या दोन किलोमीटर आधी गरुडचट्टी येथे हा अपघात झाल्याचे सांगण्यात येत आहे. हेलिकॉप्टर आर्यन कंपनीचे असल्याचे सांगितले जात आहे. केदारनाथहून परतत असताना गरुडचट्टीजवळ हा अपघात झाला. एएनआयने दिलेल्या माहितीनुसार, या अपघातात 7 जणांचा मृत्यू झाला आहे.
केदारनाथपासून 2 किमी अंतरावर असलेल्या गरुडछट्टीमध्ये हा अपघात झाल्याचे सांगण्यात येत आहे.. माहिती मिळताच बचावकार्यासाठी टीम रवाना झाली आहे. धुक्यात उडणे हे अपघाताचे कारण असल्याचे सांगितले जात आहे
पोलिसांसह एसडीआरएफची टीम घटनास्थळी पोहोचली आहे.नागरी आणि विमान वाहतूक मंत्री ज्योतिरादित्य सिंधिया यांनीही ट्विट करून या दुर्घटनेबद्दल शोक व्यक्त केला आहे.केदारनाथमध्ये हेलिकॉप्टर कोसळणे दुर्दैवी असल्याचे ट्विट केंद्रीय मंत्र्यांनी केले आहे.आम्ही राज्य सरकारच्या संपर्कात असून अपघातातील नुकसानीचे मूल्यांकन करत आहोत.आम्ही परिस्थितीवर सतत लक्ष ठेवून आहोत.
हा अपघात खराब हवामानामुळे झाला की हेलिकॉप्टरमधील काही तांत्रिक बिघाडामुळे झाला याचा आता तपास केला जाणार आहे.
या अपघातानंतर एक व्हिडिओही समोर आला आहे.या व्हिडिओमध्ये धुके आहे.काही लोक डोंगरावर उभे असलेलेही दिसतात.
