पुण्याच्या खडकीच्या होळकर पूल परिसरातील नदीपात्राच्या उद्यानामध्ये एका तरुणाने झाडाला गळफास घेऊन आत्महत्या केल्याची धक्कादायक घटना घडली आहे. आत्महत्येचे कारण अद्याप समजू शकले नाही. अमोल रमेश मंगळवेढेकर असे या मयत तरुणाचे नाव आहे. अमोल हा शिवाजी नगर येथे राहणारा होता.
पहाटेच्या सुमारास उद्यानांत फिरणाऱ्या काही नागरिकांनी झाडाला मृतदेह लटकलेल्या अवस्थेत पाहिल्यावर त्यांनी तातडीनं ही बातमी विश्रांतवाडी पोलिसांना दिली. पोलिसांनी घटनास्थळ गाठून मृतदेहाची तपासणी करताना त्यांना जवळ असलेल्या कागद्पत्रावरून मृताची ओळख अमोल मंगळवेढेकर म्हणून पटली.
या तरुणाचे वय 35 वर्ष असून हा शिवाजी नगर येथे राहणार असून मयत अमोल ने गळफास का घेतली हे अद्याप समजू शकले नाही. पोलिसांनी मृतदेह ताब्यात घेऊन विश्रांतवाडी पोलीस ठाण्यात अकस्मात मृत्यूची नोंद केली आहे. पोलीस प्रकरणाचा अधिक तपास करत आहे.
