सी.एम. चषक स्पर्धेत डान्स करत असताना अल्पवयीन मुलगी स्टेजवर कोसळली होती, तिला उपचारासाठी रुग्णालयात दाखल करण्यात आले. डॉक्टरांनी तिला मात्र मृत घोषित केले होते.
अनिशा शर्मा असं या मुलीचं नाव असून, कांदिवली पश्चिममध्ये लालजी पाडा इथं सीएम चषकच्या स्पर्धा सुरू आहेत. सी एम चषक ही स्पर्धा सुरू होती. तिथे हा प्रकार घडल्याचं समोर आलं आहे. अनिश शर्मा (वय १२) ही मुलगी डान्स करत असताना स्टेजवर कोसळली. तिला तातडीने कांदिवली येथील डॉ.बाबासाहेब आंबेडकर रुग्णालयात नेण्यात आले. डॉक्टरांनी तपासून तिला मृत घोषित केलं. या मुलीला फिट आल्याने हा प्रकार घडल्याची चर्चा सुरु असून कांदिवली पोलीस याप्रकरणी अधिक चौकशी करत आहेत.
मुलगी आमच्या रुग्णालयात दाखल केलं तेव्हाच तिचा मृत्यू झाला होता. त्यामुळे तिच्या मृत्यूचे नेमके कारण अद्याप समजलेले नाही. तिचा मृतदेह शवविच्छेदनासाठी कांदिवलीच्या शताब्दी रुग्णालयात पाठविण्यात आला आहे. या अहवालानंतरच
नेमके कारण समजेल असे ट्रायडेंट रुग्णालयाचे डॉ. अनिल यादव यांनी सांगितले आहे.
