सोशल मीडियावर भारतीय जनता पक्षाच्या (भाजप) निलंबित नेत्या नुपूर शर्मा यांना पाठिंबा दिल्याचा आरोप करत महाराष्ट्रातील अहमदनगर जिल्ह्यात जमावाने 23 वर्षीय तरुणावर धारदार शस्त्रांनी वार करून गंभीर जखमी केले.4 ऑगस्ट रोजी घडलेल्या या घटनेप्रकरणी चार मुख्य आरोपींना अटक करण्यात आली आहे.एका वरिष्ठ अधिकाऱ्याने सांगितले की, या हल्ल्यामागील हेतूबद्दल काहीही सांगता येणं अशक्य आहे कारण तपास प्राथमिक टप्प्यात आहे.
एका पोलीस अधिकाऱ्याने सांगितले की, प्रतीक उर्फ सनी राजेंद्र पवार याला डोक्याला आणि शरीराच्या इतर भागांना दुखापत झाल्याने उपचारासाठी आयसीयूमध्ये दाखल करण्यात आले होते.अहमदनगर जिल्हा मुख्यालयापासून 222 किलोमीटर अंतरावर असलेल्या कर्जत शहरातील अक्काबाई चौकात एका मेडिकल दुकानासमोर गुरुवारी सायंकाळी मुस्लीम समाजातील 14 जणांनी तलवारी, विळा, काठ्या आणि हॉकी स्टिकने पवार यांच्यावर हल्ला केला.
या प्रकरणातील तक्रारदार पवार आणि अमित माने हे त्यांच्या दुचाकीवरून एका कार्यक्रमात सहभागी होण्यासाठी जात असताना आणि मेडिकल दुकानाजवळ मित्राची वाट पाहत असताना ही घटना घडली, असे अधिकाऱ्याने सांगितले. त्याचवेळी काही लोक दुचाकीवरून त्यांच्यापर्यंत पोहोचले.एफआयआरनुसार त्यांच्याकडे तलवारी, विळा आणि हॉकी स्टिक होत्या.
माने यांनी शुक्रवारी दिलेल्या तक्रारीत म्हटले आहे की, त्यांच्यापैकी एकाने पवारांवर ओरडून सांगितले की, मी नुपूर शर्माच्या समर्थनार्थ सोशल मीडियावर पोस्ट लिहिली होती आणि कन्हैया लाल यांच्यानंतर इन्स्टाग्रामवर स्टेटसही टाकला होता आणि त्यानंतर त्या लोकांनी हल्ला केला.भाजपच्या माजी प्रवक्त्या नुपूर शर्मा यांच्या समर्थनार्थ सोशल मीडिया पोस्ट शेअर केल्याबद्दल उदयपूरमध्ये जूनमध्ये कन्हैया लालची दोन मुस्लिम तरुणांनी हत्या केली होती.शर्मा यांनी पैगंबर यांच्याबाबत केलेल्या वक्तव्यामुळे बराच वाद झाला होता.
उमेश कोल्हे यांच्या सारखाच प्रसंग तुम्हालाही भोगावा लागेल, अशी धमकी हल्लेखोरांनी पवार यांना दिली.एफआयआरचा हवाला देत अधिकाऱ्याने सांगितले की, हल्लेखोरांपैकी एकाने पवार यांच्या डोळ्यावरही वार केले.सोशल मीडियावर नुपूर शर्माला पाठिंबा दिल्याने केमिस्ट कोल्हे यांची अमरावती जिल्ह्यात हत्या करण्यात आली होती.राष्ट्रीय तपास यंत्रणा (एनआयए) या प्रकरणाचा तपास करत आहे.
पवार जखमी झाल्यानंतर माने यांनी त्यांच्या दोन मित्रांना बोलावले आणि त्यांनी पवार यांना शासकीय रुग्णालयात नेले.एका वरिष्ठ पोलीस अधिकाऱ्याने सांगितले की, या हल्ल्याचा पवारांच्या सोशल मीडिया पोस्टशी संबंध जोडणे घाईचे आहे."(फिर्यादीत) नुपूर शर्माच्या समर्थनार्थ पवारांच्या सोशल मीडिया पोस्टचा उल्लेख असला तरी, चौकशी सुरू असल्याने त्याबद्दल काहीही अद्याप सांगता येऊ शकत नाही," असे ते म्हणाले.पवार यांची गुन्हेगारी पार्श्वभूमी असून त्यांच्यावर दोन खटले प्रलंबित असल्याचे त्यांनी सांगितले.
